در ایام امتحان؛ طالبان ده ها مکتب را در لوگر بستند

گزارش ها میرساند که طالبان ده ها مکتب را در ولایت لوگر بسته کرده اند.

به گزارش خبرگزاری صنا؛ شاگردان در ولایت لوگر می گویند که طالبان ده ها مکتب را در این ولایت بسته اند و اعلام کرده که تا اطلاع بعدی، این مکتب ها به روی شاگردان باز نخواهد شد.

شاگردان می‌گویند، مکتب‌ها باید هرچه زودتر بازگشایی شوند؛ زیرا حالا دوران امتحانات مکتب است و اگر مکتب‌ها باز نشوند آن‌ها از امتحانات باز می‌مانند.

در همین حال «حسیب‌الله ستانکزی» رئیس شورای ولایتی لوگر می‌گوید، طالبان در واکنش به عملیات نیروهای امنیتی کشور، ۱۵ مکتب را در مرکز پل‌علم به روی شاگردان بسته‌اند.

به گفتۀ او، طالبان به مسئولان، معلمین و شاگردان مکتب‌ها گفته‌اند که دیگر به مکتب نروند.

پاسخ ترک

Please enter your comment!
Please enter your name here

90 − 80 =

لینک مطلب: http://www.sana.af/?p=37055