رییس اجراییه برای حضور در نشست شانگهای، عازم تاجیکستان شد

عبدالله عبدالله رییس اجراییه حکومت وحدت ملی، برای اشتراک در هفدهمین اجلاس سران سازمان همکاری‌شانگهای عازم دوشنبه پایتخت تاجیکستان شد.

به گزارش خبرگزاری صنا، آقای عبدالله قرار است در این نشست در مورد موضوعاتی مانند مبارزه مشترک با تروریسم، مبارزه با قاچاق مواد مخدر، گسترش همکاری‌و همگرایی منطقوی و جلب حمایت کشورهای منطقه از روند صلح به مالکیت و رهبری افغان‌ها سخنرانی کند.

دیدار با رییس جمهور تاجیکستان، نخست وزیر روسیه، نخست وزیر جمهوری چین٬ نخست وزیر اوزبکستان، نخست وزیر قزاقستان٬ نخست وزیر قرغیزستان٬ نخست وزیر جمهوری تاجیکستان، نخست وزیر بلاروس و وزیر امورخارجه هند از جمله برنامه های عبدالله در حاشیه این نشست خواهد بود.

در این سفر صلاح‌الدین ربانی وزیر امورخارجه جمهوری اسلامی افغانستان و تعدادی از مسوولین دولتی حضور دارند.

لینک مطلب: http://www.sana.af/?p=45741